Mitä reko marä = Niño de malas costumbres

(Mitä mbovy’aharä  = Farsa para niños)

Tadeo Zarratea rembihaikue

Omyatyrö ha oipysove haguéicha ijapohare 2007 pe

OMBA'APÓVA: Sy, Kili ha Vito.

MBA'APOHA: Peteï koty okaha rupi gua

                   Oñepyrü

KILI: (ha’eño). Oheka ohekáva peteï vokópe

VITO: (oike oúvo) - ¡ Epa !

KILI: (oñemondýi) - ¡ E’ !

VITO: (opilla chupe) - Heeë…

KILI: (tesaparápe) - Ich…

VITO: - Hechápa nde.

KILI: - Mba’épa.

VITO: - Hasýpe chepopa’ä nde rehe.

KILI: - Piko…

VITO: (oho ohecha ivoko) - ¡ Ndesýre !

KILI: (oguerohasáma ñemondýi) - ¡ Hái ! . Mba’etei piko. Nangána.

VITO: (ohechave ohóvo) - Ma’ëmi. (ijupénte).

VITO: (okorói. Ojapete mesáre la ivoko) – Amombe’úta mamáme.

KILI: - Néike. Néike. Jagua’i.

VITO: - Ahekaukáta nde vokópe. (ojere).

KILI: (upévo ojapuráma). – Hýpy. Hýpy. Che ra’y. (ohekýi ivolsíllogui moköi lápi de kolor ha omombo chupe): - Na’ápe. He’upa.

VITO: (omono’ö yvýgui ha ohecha). – Noïmbái ápe.

KILI: - Ejerána.

VITO: (iñe’ërasëmba). – Añete. Moö oime sa’yjúva.

KILI: - ¡ Hë ! . Moöiko che taikuaa. Oiméne reityra’e.

VITO: - Heë… Piko… ¡ Eguatána! . Továngo oï ajúrare.

VITO: - (oma’ë porä tyke’ýrare). – Aikuaaukáta ndéve. (osë oho)

KILI: - Ekachána. (ijupe) Ikuña’iete.

KILI: (ojechámavo he’eño, pya’e porä ohekýi lápi sa’yju ha omoinge tyvýra vokópe. Nahendái. Ogueru voko imba’éva, ohechagua’u).

SY: (oike oúvo, Vito hapykuéri). – Añetépa ne mitä sa’yju rejapo jeýma nde kalaguíchi reína.

KILI: - Ijapu. Oiméne la ilápi sa’yju ivokópe hína. Ha’e ndohekái voi.

SY: (Vitópe). – Néi. Eheka jahecha.

VITO: (ombojurúre ivoko ojuhúma, ha oñemondýi). - ¡E’!. Na… na…ápe hína. Nda’ipóri hína kuri. Omoï jey ra’e.

KILI: (ovy’a). – Rehechápa. Rehechápa.

SY: (Kilípe). – Ha nde; maerä repoko nde ryvy mba’ére. Moö oime ne mba’éva.

KILI: (ojecha vai). - ¿Che?. (…)  Che aipurukákuri.

VITO: - Ijapu. Ohundipa.

SY: (moköivépe). – Néi. Peñesü chéve, pya’e. Ha nde Kili, ko’ërö

ndererúi chéve nde lápi kuéra ha reikuaáma.

KILI HA VITO : (oñesü sánto renondépe ojoykére)

SY: - Peneko’ëmbáta upépe.Peikuaáke.  Mitä reko vai pende túva (osë oho).

VITO: (omañasaguy).

KILI: (oñembovai chupe).

VITO: (mbeguete). – Avy’a, avy’a. Rerekóma ko’ërö re’uarä.

KILI: (omopu’ä ikuä techaukaha). – Che apika mboyve, nde reipo’óta. Eikuaáke.

VITO: (oñembohory hese) . – Chejáranga, che ra’y.

KILI: (oma’ë sayke hese ha oñe’ëreity). – Jagua’i karë, resa pile’u.

VITO: - Anguja tutu. Pokovi.

KILI: - Guaiguï memby; py’aju, voli.

VITO: - Popinda. Aguara’i.

KILI: - ¡Pyrague!.

VITO: - ¡ Mondaha!,

KILI: (osyryry ha oikutumyaña chupe heñyvangápe).

VITO: (ho’a. Osapukái). – Aiiipyyy…

KILI: (oma’ë okëvo). – Cháke, cháke, ha’e ndéve.

SY: (oike oúvo) - Mba’e jeýma piko…

VITO: - Kili chemyaña.

SY: (ipochyeterei). - Mba’eichaguáiko peë krihtiáno

ko sánto renondépe jepe peñorairöva.

SY: (oipyhy Kilípe inambígui ha oipoka). - Ne aña memby tie’ÿ…; ápe eju eñesü chéve. (ombotyryry pe ótrro tápia yke peve). - Eñembo’e chéve 40 vendíto, ha tahendúke kosina guive.

(ohokuévoma).¡Che Dio…! . Opa ne máñape rejogua pe nde ru tuja otï’ÿme. Upéagui reíko noroipopïri garrótepe. (okañývoma) . - ¡ Tahendúke !.

KILI: (hatä oñepyrü). – Vendíto, alavádo, séa, el santísimo (a guive ongururúntema opa peve; upéi oñepyrü hatämive jey) – Vendíto, alavádo (omokangyve  iñe’ë)

Repíke vandéra.

Karákara mácho

rejúpa jakévo

ja’u nde vakéro

asaje entéro.

VITO: (oñembojere oma’ë hese; ijurujái opytávo).

KILI: (oñembovai chupe ha oñembo’e jey; hatä he’i):

Vendíto, alavádo

(mbegueve) :

Repíke vandéra

(ohupi ikuä):

Vito nde vitóke

re’úta ko’ërö

ehkuéla rapére

ejererekóke.

SY: (kosina guive). – Vito…

VITO: - Señóra mamíta.

SY: - Eju. Tereho eru chéve y …

VITO: - Guéno mamíta. (ombarakapu Kilípe ohasávo).

KILI: (oñepyrü jey oñembo’e; hatä he’i:

- Vendíto, alavádo

(mbegueve)

Repíke vandéra

Karákara mácho

rejúpa jakévo

ja’u nde vakéro

asaje entéro .

 (iñakärakuve ha oturuñe’ë).

SY: (oike mbeguekatuete ha oñomi oúvo ipopegua).

KILI: (hesaho isýre ha ohechávo ipopegua opo opu’ä, oñepyrü oñani ápe, pépe, kotypýre, ha upéi ohasátavo isy jyva guy rupi ojagarra chupe ijatukupeguio ikamisa kuéllogui ha ojuvy ra’ä)

SY: - Eju chéve ko’ápe ne mitä tepoti.

KILI: - Áina, áina ; anína mamíta...

SY: - Nderekyhyjéi piko Ñandejáragui, ajeve reñembohory la ñembo’ére.

KILI: - Akyhyje

SY: - Mba’e rekyhyje katu piko nde tekove eréxe. Péicha piko ñañembosaráiva ñembo’ére.

Néi, eñembo’e porä chéve tahendu. (opoi myaña chugui)

KILI: - Vendíto, alavádo, séa, el santísimo, sakraménto, del altar, la Vírxen María, nuehtrra señóra, konsevída, sin mancha, de pekádo, orixinal; dehde el primer instante, de su ser , natural. Amen Xesu, María y Xosé. En el nombre del Pa’

SY: - (oñe’ëjoko chupe). Reikuaapa  jepe ra’e.

Ha marä rekambiapa la orasión he’íva.

KILI: - Ha… ajapónte. Ndaikuaái mba’érepa.

SY: - Nde nereñembo’éi Ñandejárape. Nde reñembo’e añáme reikóvo.

Ñahendu. Mba’éicha he’i la nde reñembo’éva.

KILI: - Nachemandu’ái.

SY: - Nde japu !. Ere chéve nde ava tepoti, pórke roinupäta voínte

ne kangue ine meve. ¡ Ere jahecha ! .

KILI : - Vendíto, alavádo

Guäiguï sái voládo

Ojupi sérko ári

Ho’a ovayvávo

ha opo opu’ävo

okuaru charara.

SY: (omaña ijehe ha ojecha isái voládo reheve; ipochyeteve; ojagarra inambígui, onambipoka ojero’a peve ha he’i chupe:)

 - Mávaiko nembo’e ko’ä vyroreieta. ¡Che Dio...!

KILI: - Ehkuélape ahendu.

SY: - ¡Sokórro che pa’i ! Mba’eichaguáiko la ne maéhtrra...

KILI: - Ndaha’éiko che maéhtrra.

Ehkuéla rapére ha pelotahápenteko ahendu oje’érö péicha.

SY: - Piiiko. Ajépa nde’agrasiadoite.

Ha che taiko tañepi’ä pomondo haguä ehkuélape.

Roipopïta garrótepe ne mitä reko marä reikuaa haguä rehpéto. (oñembosako’i oinupä haguäicha)

VITO: (oike oúvo peteï válde y reheve). - Na’ápe mamíta la y; arúma ndéve.

SY: - Péva la aikotevëva ambohekoguapy haguä ko ava ra’y kachiäi. Eru chéve ápe. ( ojagarra la válde, ohupi oñohë haguäicha Kili rehe)

KILI: (ojapuraiterei; sokórro ojerure) - Mama… mamíta… Anína mamíta. Anína mamíta. Chenupäntena. Chenupäntena.

SY: (omboguejy la y ryru ha oheréi chupe peteï, moköi ha mbohapyha ndohupytyvéima. Kili oñani kotypýre; oike mesa guýpe, oñemoï sílla kupépe, ha opáicha rei oñedefende. Isy omuña chupe, oha’ä chupe

ha ojavypa.Upéi Kili ojuhu okë ha osë. Isy oñani hapykuéri ohóvo; osë rire esenáriogui oñehendu oja’ónteha gueteri ohóvo.)

Ápe opa. Oñemyatyrö ha oñembojoapy oytúvre, 10, 2007, ramo.

Iporä jaikuaami. Kóva ko ñoha’anga oguenohë va’ekue “Premio Nacional de teatro estudiantil”, año …….pe. Ojereru ramo guare Ka’asapa Departaménto rérape Paraguaýpe. Upérö odirixi lo mitäme Mbo’ehára katupyry  Emilio Barreto.