Panambi pepotïmi

* Tadeo Zarratea rembihaipy

Ako pako rohecha, rejukuévo mamovégui
Opo che resa hendágui, oñekümberéi nde rehe
Reñandúvo che ma'ë netïndymi rehasávo
Reguerotï rerahávo ne mimbi ndejeheve.

Upe ramo niko che, ndahekái aikóvo avavépe
Resënte che rekovépe panambi pepotïmi
Rejajái sapy'ami che resápe ára veráicha
Ha rohekáva rirérö guáicha, upe guive rosegi.

Are reiko rekañy umi herügua rakäre
Nde réra aikuaa'ÿre ne ängue añapytï
Upéi, mba’eicharei, reguejy che renondépe
Reñopü otytyihaitépe che remiandu rokymi.

Upe guive angata opoñy che retepýre
Yvága ru'ä potýre che mba'euhéi hovayva
Aipyaha umi che ñuhä aipysopaite nde jerére
Ha nde reimo'ä'ÿetére che mborayhu neñuä.

Akóinte chemandu'áva ñande rata ypykuére
Ñande pire ojehýirö, opupu ñande ruguy
Jajahu ramo jasy rendy rembipe rykuépe
Ha amo... ñande apytetépe, ñandepyte mainumby.

Upérö ja'e ojupe: mba'éguipiko ymavéma
nañasëi ojohapépe jaikorängue ygue rei;
ko oñomba'erä hague voi ñande sy rye guivéma,
ko'äga jajotopávo, jaikuaa poräiterei.

Upe guive pukavy ndoje'ói ñande rovágui
Ñane ñe’ä henyhëgui upéicha jajehecha
Ñaime ramo oñondive, nañemba'éva pe yvága
Tupä ndaha'évéima ijára; oikóntema oherekua.