viernes, 5 de marzo de 2010
NDOVALÉIKO ÑANDESOVÉRVIO
“Ajépa iñordinário ko Nelson Vera”, he’i chéve Toma’i Gonsále pe amo Avaýpe rofarrea ramo guare hína. Roime niko hína kuri upépe peteï trraváxo rire, roha’arö ojy la ose so’o mbichy, ha upe aja ro’aperita’imi. Ogueru avei lo mitä peteï konxúnto pyahu oïva pe Jutýpe, ombopu porä ikoe ha opurahéi poräva. Ha ovy’apa lo mitä.
Ore Toma’i ndive peteï hembe’ýpe roisyrykuroína ha tuicha roñomongeta, si moköivéva voi niko ore aipo poéta gua’u py; upévare la roime oñotïre umi tata’y tujáicha. Hesaho sapy’a ore rehe Dr. Nelson Vera ha ojere osapukái voi la musikokuérape: “¡Nde… Lo mitä…! Pembopumína chéve “El abandonado”, tadedika Dr. Zarratea-pe ha Toma’ípe. Na’ápe moköivéva oñotïre hína, oñomomandu’a hikuái ifeli ramo guarére”.
Che apukamínte, péro Toma’íre ojupi. Ha’e niko upe ramo la ikáso ipyahu voípy ha nipo ra’e la ijerída noñembotýi gueteri. Che uvei niko aréma, ha upéi ave ndaha’éi voi la aipo primera ve mba’e ojehúva chéve, aje; cheperepáma voi la umivakue.
“Péro ajépa oñordinário ko Nelson Vera –he’i sapy’a osëvo Toma’i–. Ha’e piko oimo’ä la ko’ágä oiko poräre oikóvo la ipatrróna ndive upéva etérnoma. Ndoikuaái piko la kuña ko’agäygua no’aguatavéimaha la arriéro deféyto aipo omano meve. Upéango opáma. Yma guare umíva. Ndovaléi ñande sovérvio”.
Péva he’ipávo mitä Toma’i ojopy chupe peteï un trrágo puku porä, ha la ore musikokuéra katu dále ke dále opurahéi: “El abandonaaado, tóquenme de nueeeevoooo. Toquenme diez veces la misma cancióoooonnnnn”.
Suscribirse a:
Enviar comentarios (Atom)
No hay comentarios:
Publicar un comentario